Басшылық

Нұрлан Мұқаев

     Нұрлан Мұқаев мемлекеттік және жеке секторларда үлкен жұмыс істеу тәжірибесіне ие болып келеді.

     Мұқаев мырза ҚР Сыртқы істер министрлігінің Халықаралық-құқықтық департаментінде Атташе, ҚР Премьер-министрі кеңсесінің Заңи бөлімі меңгерушісінің орынбасары, ҚР Президент әкімшілігінің сектор меңгерушісі қызметтерін атқарған болатын.

     Сонымен қатар, ол «Темірбанк» АҚ Астана қаласындағы бөлімше директорының орынбасары, «Астана-Финанс» несие компаниясы» АҚ Басқарма төрағасының орынбасары, «Самұрық-Қазына» Ұлттық әл-ауқат қоры» АҚ нормативтік-құқықтық жұмыс департаментінің директоры, Басқарма төрағасының орынбасары, ҚР Ұлттық кәсіпкерлер палатасының басқарма мүшесі, «First Heartland Bank» АҚ басқарушы директор - бас комплаенс бақылаушы қызметтерін атқарды.

Андрей Розанов

Андрей Розанов Ұлыбритания азаматы болып табылады. Оның қаржы секторындағы үлкен жұмыс тәжірибесі бар. Атап айтқанда, ол Лондондағы Permal Group және State Street Global Markets компанияларында Басқарушы директор қызметін атқарып, орталық банктер мен тәуелсіз қорларға ұзақ мерзімді инвестициялық портфельдерді құру және басқару мәселелері бойынша кеңестер берген.

Сондай-ақ, осы сәтте Розанов мырза «ҚР Ұлттық Банкінің Ұлттық инвестициялық корпорациясы» АҚ тәуелсіз директоры болып табылады.

Дәулет Қабылбаев

Дәулет Қабылбаевтың банк саласында 9 жылдан астам уақыт жұмыс тәжірибесі бар. «Альянс банк» АҚ-та және «Нұрбанк» АҚ-та басшы қызметін атқарған.

Сондай-ақ Қабылбаев мырза 4 жылдай Қазақстан Республикасы Денсаулық сақтау және әлеуметтік даму министрлiгінiң «Зейнетақы төлеу жөніндегі мемлекеттік орталық» РМҚК-да департамент басшысы болған.

Қазіргі уақытта Дәулет Қабылбаев «First Heartland Capital» АҚ, «First Heartland Securities» АҚ және «Цеснабанк» АҚ  Директорлар кеңесінің мүшесі және тәуелсіз директоры болып табылады.

Толғанай Ботақанова

Толғанай Ботақанова 20 жылдан астам уақыт бойы Қазақстанның мемлекеттік органдарында басқарушылық лауазымдарды иеленген. 

Әртүрлі жылдары Қазақстан Республикасының Қаржы министрлігінің Салық комитеті төрағасының орынбасары, сонымен қатар Президент Әкімшілігінде сектор меңгерушісі болған. Мемлекеттік органдарға ауыспастан бұрын ол банк секторында жұмыс істеген. 

2016 жылдан бастап Ботақанова ханым жеке зерттеу және қаржы компанияларында басқарушылық лауазымдарды иеленген.

Ғалия Маханова

Ғалия Маханова банк операцияларының бухгалтерлік есебі саласындағы 20 жылдан астам жұмыс тәжірибесіне ие. Маханова ханым қазынашылық операциялардың есебіне, кастодиалдық қызметке, құжаттамалық операцияларға, төлемдерге, валюталық бақылауға, картотекаға және басқаларына жетекшілік еткен.
Оның қаржы құралдарының бухгалтерлік есебі және қаржы есептілігінің халықаралық стандарттары саласындағы, сонымен қатар банк операцияларын жүргізуді автоматтандыру және оңтайландыру мәселері жайлы терең білімі бар.   
FHB-тағы жұмысқа дейін Маханова ханым «Қазкоммерцбанк» АҚ бэк-офисының бөлімшелерінде басқарушылық лауазымдарды иеленген. 

Алма Мұстафаева

Алма Мұстафаеваның банк секторындағы 20 жылдық жұмыс тәжірибесі бар. Қазіргі кезде ол FHB  қаржы бөлімшесін басқарады және реттеушілік, қаржылық пен басқарушылық есептілік, жоспарлау, бюджеттендіру, сондай-ақ, Банктің активтерді және пассивтерді басқару жөніндегі Комитеттің жұмысы үшін жауапты болады. 
FHB-тағы жұмысқа дейін Мұстафаева ханым RBS (Kazakhstan) және Halyk Bank-терінде басқарушылық лауазымдарды иеленген.